Бишкек мэриясында үч жетекчи кызматтан алынды

Бишкек шаарынын мэриясында үч жетекчи кызматтан алынды. Тиешелүү буйрукка калаа башчысы Айбек Жунушалиев кол койгонун борбор шаардын башкармалыгы билдирди.

Маалыматка ылайык, капиталдык курулуш башкармалыгынын башчысы Чолпонбаев Болот Чолпонбаевич, ошондой эле анын орун басарлары Апилов Болот Тойчиевич жана Турдуев Адилет Орозмаматович ээлеген кызматтарынан бошотулушту

Эске салсак, буга чейин шаар башчысы Ленин жана Биринчи май райондорунун санитардык түйүндөрүн текшерип, анда аткарылган иштердин сапаты жана көлөмү, көзөмөлдүн начардыгы боюнча сын-пикирлер айтылган.