VI Дүйнөлүк көчмөндөр оюндары боюнча маалымат жыйын өттү 

Бишкекте бүгүн, 24-июлда VI Дүйнөлүк көчмөндөр оюндарын өткөрүү боюнча уюштуруу комитетинин төрагасынын жана мүчөлөрүнүн маалымат жыйыны өттү.

Ага министрлер кабинетинин төрагасынын орун басары, VI ДКОну даярдоо жана өткөрүү боюнча уюштуруу комитетинин төрагасы Эдил Байсалов, маданият, маалымат жана жаштар саясаты министри Мирбек Мамбеталиев, Илим, жогорку билим берүү жана инновациялар министрлигине караштуу жогорку аттестациялык коммисиянын төрагасы Бекбосун Бөрүбашов, дене тарбия жана спорт мамлекеттик агенттигинин директору Айбек Абдымомунов, Дүйнөлүк көчмөндөр оюндарынын негиздөөчүсү Асхат Акибаев, Дүйнөлүк көчмөндөр оюндарынын эл аралык катчылыгынын жетекчиси - Нурсултан Аденов жана журналисттер катышты.

Жыйында VI Дүйнөлүк көчмөндөр оюндарынын уюштуруу комитети тарабынан алдыдагы оюндардын концепциясын сунуштап, даярдык иштеринин жүрүшү жана спорт, маданият жана илим тармактарын камтыган негизги программалар тууралуу маалымат берилип, журналисттердин суроолоруна жооп беришти.