Эс алып жүргөн туристтин бутун балык тиштеп алды

Европада эс алып жүргөн италиялык туристке балык кол салып, анын бутун тиштеп алды. Бул тууралуу Cronica Balear билдирди.

Окуя Испаниянын Майорка аралында жайгашкан Плайя-де-Пальма пляжында болгон. Жабырлануучу Италиядан келген 80 жаштагы турист болгон.

Ал кансыраган абалда медициналык мекемеге жеткирилип, эс алуучулар пляждан убактылуу эвакуацияланган. Кол салуу жасаган балыктын түрү тууралуу маалымат расмий булактар тарабынан тастыктала элек.

Алдын ала маалыматтарга караганда, агрессор көк акула же триггер балык болушу мүмкүн. Бирок эксперттер жарааттын табиятын талдап көрүп, бул жарааттын формасы тиштин бар экенин көрсөтпөгөндүктөн, ал скаттар болушу мүмкүн деген тыянакка келишкен.