Супер-Инфо
super.kg видео
Англиянын кыздар курама командасы Европа чемпиондугунда жеңишке жетти
Кечээ, 27-июлда Англиянын кыздар курамасы Испания курамасын жеңип, Европа чемпиондугунда жеңишке жетти. Оюн Швейцариянын Базел шаарындагы "Санкт-Якоб Парк" стадионунда өттү.
Финалдын негизги убактысы 1:1 эсебинде аяктады.
Биринчи голду 25-мүнөттө испаниялык чабуулчу Мариона Кальдентей киргизсе, 57-мүнөттө англиялык Алессия Руссо эсеп санын теңеди. Эки футболчу тең Британиядагы "Арсенал" клубунун оюнчулары.
Кошумча убакытта эсеп өзгөргөн жок. Пенальти сериясында англиялыктар ийгиликке жетишти. Жеңишти аныктаган голду Клои Келли киргизип, 3:1 эсебинде Англия Европа чемпиону болду.
Бул командалар 2023-жылы дүйнө чемпиондугунун финалында да оюн талаасына чыгышкан, анда Испания 1:0 эсебинде уткан.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
Рейтинг: 
0
0
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.