Жүк ташуучу унаа эки унааны сүзүп, 3 жаран каза болду 

Орусиядагы Москва районунда М-5 "Урал" унаа жолунун 59-чакырымында жүк ташуучу унаа эки жеңил унааны сүзүп, үч жаран каза болду. Бул тууралуу чет элдик басылмалар жазышууда.

Маалыматка ылайык, "Лада" унаасы бузулуп, ичинде бир аял жана 9 жаштагы кызы бара жаткан. "Лексус" унаасындагы эркек киши жардам берүү үчүн токтоп, унаадан түшкөн. Ошол маалда жүк ташуучу унаа аларды сүзүп кеткен. Бир секундда Skania жүк ташуучу унаасынын 47 жаштагы айдоочусу жол жээгинде токтоп турган эки унааны сүзүп алган.

Жүк ташуучу унаанын айдоочусу кармалган. Москва облусунун милициясы билдиргендей, ага карата Орусиянын Кылмыш-жаза кодексинин 264-беренеси (Байкабастыктан эки же андан көп адамдын өлүмүнө алып келген жол кыймылынын жана транспорт каражаттарын эксплуатациялоо эрежелерин бузуу) боюнча кылмыш иши козголду.

Кошумча жагдайлар жана кырсыктын так себептери такталууда.