Сууда сүзүү жарышында жаран каза болуп калды 

Орусиянын Нижний Новгород шаарында тогузунчу эл аралык X-Waters сууда сүзүү жарышы өтүп, бир адам каза болду. Бул тууралуу чет элдик басылмалар жазышты.

Маалыматка ылайык, жарышта москвалык сууда сүзүүчү Дмитрий Ионов каза болду. Ал киши өзүн жаман сезип жатканын суунун үстүндө колу менен жардам сурап билдирген. Куткаруучулар аны жээкке алып чыгууга жетишкен, бирок дарыгерлер өмүрүн сактап кала алышкан эмес.

Ал үч чакырым аралыкка жарышты баштаган, марага жетээр алдында сууда сүзүүчү өзүн жаман сезген.

X-WATERS Volga уюмунун уюштуруучуларынын айтымында, куткаруучулар Дмитрийди дароо кайыкка көтөрүшкөн. Сууда сүзүүчү суудан чыкканда эсин жоготкон. Куткаруучулар аны тез арада жээкке алып чыгышып, сууда нөөмөттө турган "Тез жардам" кызматкерлерине өткөрүп беришкен. Дарыгерлер аны жээкте эле жандандырууга аракет кылышып, андан соң тез арада Семашко райондук клиникалык ооруканасына алып барышкан. Нижний Новгороддук дарыгерлер сууда сүзүүчүнүн өмүрү үчүн күрөшүп, бирок аны сактап кала алышкан эмес.

"Медициналык купуялуулук принцибине ылайык, диагноз жакындарына түз билдирилет",- деп айтылат билдирүүдө.

Дмитрий Ионов X-WATERS Волгада сүзүү боюнча абдан тажрыйбалуу катышуучу болгон, 2023-жылдан баштап жети стартка катышкан. Волга аркылуу Нижний Новгороддун өзүндө 2016-жылдан бери сүзүү уюштурулуп келет.