Бангкокто базарда болгон куралдуу кол салуудан кеминде 6 адам каза тапты

Таиланддын борбору Бангкокто бүгүн эртең менен Or To Ko аттуу айыл чарба продукциялары жана улуттук азыктар сатылган базарда куралдуу кол салуу болуп, кеминде 6 адамдын өмүрү кыйылды. Бул тууралуу чет элдик басылмалар жазышты.

Полиция жетекчисинин орун басары Чарин Гопаттанын айтымында, кол салган киши андан кийин өз жанын кыйган.

Эраван шашылыш медициналык борбору кабарлагандай, каза болгондордун арасында төрт коопсуздук кызматкери жана бир аял бар.

Азырынча кол салуунун себеби жана шектүүнүн өздүгү расмий жарыялана элек. Жабыркагандар тууралуу маалымат берилген жок. Базарда коопсуздук чаралары күчөтүлдү. Окуя боюнча иликтөө иштери башталды.