МАГАТЭнин өкүлдөрү жакын арада Иранга барышат

Иран жакынкы эки жуманын ичинде МАГАТЭнин (Эл аралык атомдук энергия боюнча агенттик) өкүлдөрүн күтүп жатканын маалымдады. Бул тууралуу Ирандын ядролук мекемелеринин өкүлү Казем Гарифабади билдирди.

Анын айтымында, Иранга келе турган техникалык топ өлкөнүн өзөктүк объекттерин текшербейт, алар кызматташуу механизмдерин жана техникалык маселелерди талкуулашат. Бул жолугушуу Иран менен МАГАТЭ ортосундагы мамилелерди калыбына келтирүү боюнча алгачкы кадам катары бааланууда.

Муну менен Иран эл аралык агенттик менен байланыштарын жандандырууга даяр экенин көрсөтүп жатат. Ошол эле учурда Иран өзүнүн улуттук кызыкчылыктарын жана суверенитетин сактоону талап кылууда.