"Төшөктөргө чейин жаңылайбыз". Оштун мэри үйү жараксыз абалга келген аялга жардам берерин айтты (видео)

Бүгүн, 29-июлда Ош шаарынын мэри Жеңишбек Токторбаев таңкы рейд учурунда жараксыз абалдагы үйдө күн кечирген аялга жардам бере тургандыгын билдирди.

Мэр эски буюмдардын баарын таштоого чакырып, жаңы үйгө жаңы эмеректер менен киргизүүнү убадалады. Төшөктөрүнө чейин жаңылай тургандыгын билдирди.

"Бир буюм текче, уктоочу керебет. Төшөктөрүңүз эски экен, баарын таштаңыз. Акча берем, барып жаңы алабыз. Эски нерселердин баарын таштаңыз",- деди мэр тургунга.