"Бетиңерге айткам". Бишкек мэри кол алдындагыларга эскертүү берди (видео)

Бишкек шаарынын башчысы Айбек Жунушалиев мэриянын муниципалдык менчик башкармалыгынын кызматкерлеринен жаралган көйгөйлөрдү тез чечүүнү талап кылды.

"Калп айтпасам, силер менен буга чейин башкармалык департамент болуп турган учурда үч жолу жолуксам керек. Үч ирет алдыңарга келип, сурандым. "Муниципалдык менчик боюнча көптөгөн көйгөйлөр жаралып жатат. Силердин шаар тургундары менен иштешкен ишиңер жарабайт" деп эле бетиңерге айткам.

Текшерүү мөөнөттөрүн так койгула. Эми башкармалыктын кызматкерлерине талаптар 10 эсе күчөтүлөт. Башкармалыкты жаман көрсөтүп, артка тартып иш жүргүзүүгө жол берилбейт",- деди ал.

Эске салсак, 17-июлда муниципалдык менчик башкармалыгынын башчысы Бакыт Шеримбеков ээлеген кызматынан бошотулуп, ордуна Бекбоев дайындалган.