Искусство университетинин жогорку адабий курсу абитуриенттерди кабыл алат

Бишкектеги Бүбүсара Бейшеналиева атындагы Кыргыз улуттук маданият жана искусство университетинин базасындагы 2 жылдык жогорку адабий курс угуучуларды кабыл алат.

Маалыматка ылайык, курска кабыл алуу чыгармачылык сынактын негизинде жүргүзүлөт.

Талапкерлер төмөнкү документтерди тапшырышы керек:

• Арыз
• Жогорку билим жөнүндөгү диплом
• Өмүр баян
• Адабий чыгармачылык үчүн 500 сап поэтикалык текст (поэзия), 50 бет көлөмүндө прозалык жана драмалык текст. Котормо жана котормо таануу багыты үчүн 50 бет котормо текст (Word форматында, 14-шрифт, 1,5 интервал менен)

Документтерди кабыл алуу 1-сентябрга чейин уланат.

Ал эми сабактар 15-сентябрдан башталат.