Чүйдө мыйзамсыз миграция уюштургандар кармалышты. Арасында милиция кызматкери да бар (видео)

Өлкөдө мыйзамсыз миграция уюштурган Кыргызстандын жана Өзбекстандын жарандары жана милиция кызматкери кармалды. Бул тууралуу бүгүн, 31-июлда УКМКнын маалымат борбору билдирди.

Маалым болгондой, Т.И. жана Т.А. аттуу кыргызстандыктар, О.А. аттуу укук коргоо кызматкеринин колдоосу менен эч кандай уруксат берүүчү документтери жок мыйзамсыз эмгек ишмердигин жүргүзүү үчүн коңшу мамлекеттердин биринин жарандарын алып келишкен.

30-июлда УКМК тарабынан мыйзамсыз эмгек ишмердүүлүгү менен алектенип жүргөн 3 уюштуруучу жана чет элдик жарандардын ичинен 19 жалданма кызматкер кармалды. Тергөө уланууда.