АКШда бала бакчага барган адам аялынын колунан ажал тапты 

Американын Флорида штатынын тургуну Минди Остин күйөөсү Кристофер Трэвис Жонсту өлтүргөн деп айыпталууда. Бул тууралуу New York Post басылмасы жазып чыкты.

Окуяга күбө болгондордун айтымында, эркек балдарын бала бакчадан алып чыгып кетип жатканда Остин балдарын кучактап, андан соң күйөөсүнө ок чыгарган. Эркек качып кетүүгө аракет кылган, бирок аял аны өлтүрүүгө үлгүргөн.

Укук коргоо органдарынын маалыматы боюнча, Жонс ооруканага жеткирилип, ошол жерден каза болгон. Окуя болгон жерде мугалимдер жана бала бакчадагы алты бала болгон. Алар жабыркаган эмес.

Аялдын эмне себептен күйөөсүн өлтүрүүнү чечкени такталууда. Учурда балдарды туугандары алып кетишкен.

Брэдфорд округунун Шериф кеңсесинин маалыматы боюнча, 2024-жылы аталган үй-бүлөдө зомбулук фактысы катталган.