Египетте концерт учурунда адамдар жаракат алышты

Египеттин белгилүү ырчысы Мохамед Рамадандын концертинде пиротехника жарылып, бир адам каза болуп, кеминде алты жаран жаракат алды. Бул туурасында дүйнөлүк маалымат агенттиктери жазышты.

Маалым болгондой, окуя Египеттин түндүк жээгиндеги Эль-Аламейн шаарында жайгашкан "Порто Гольф" курорттук комплексинде болгон.

Ал жерде белгилүү ырчы Мохамед Рамадандын концерти өтүп жаткан. Бул учурда жарылуу катталып, бир адам каза болуп, алтоо жаран жараат алышкан.

Бул фейерверк системасына туташтырылган аба түтүгүнүн жарылышынан улам болгону белгиленет.

Sada Elbalad басылмасынын маалыматына караганда, жабыркагандардын бардыгына керектүү медициналык жардамдар көрсөтүлүүдө.