Англияда мектеп окуучусу BBC'нин түз эфиринде медианын өзүн Газадагы геноцидге айыптады

Англиянын Ливерпуль шаарында BBC телеканалынын түз эфиринде бир мектеп окуучусу Газадагы геноцидди токтотууга чакырып, медиакомпанияны "геноциддин шериги" деп айыптады. Бул тууралуу чет өлкөлүк басылмалар жазышты.

Маалым болгондой, бул окуя университетке кирүү үчүн өткөрүлгөн сынактын жыйынтыгы жарыяланган күнү болгон.

"Эркин Палестинага жасалып жаткан геноцидди токтоткула. BBC алардын шериги",- деп билдирди окуучу BBC'нин түз эфириндеги маекте.

Алып баруучу бир аз таң калган соң анын сөзүн бөлүп:

"Биз азыр сынак жыйынтыктары жөнүндө сүйлөшүп жатабыз. Газа таптакыр башка тема",- деп жооп берди.

X социалдык тармагында көптөгөн колдонуучулар окуучуну кайраттуулугу үчүн куттуктап, аны "коркпогон" жана "акылдуу" деп мүнөздөштү. Алар бул окуя адамзаттын дагы деле жакшы келечекке болгон үмүтүн сактап турганын белгилешти.