"Лабубунун" негиздөөчүсү дүйнөдөгү эң бай 100 адамдын катарына кирди

Pop Mart компаниясынын башчысы Ван Нин дүйнөдөгү эң бай 100 адамдын катарына кирди. Анын байлыгы 26,5 миллиард долларды түзөт. Бул тууралуу чет элдик басылмалар жазышты.

Маалым болгондой, "Лабубу" куурчагын чыгарган Pop Mart оюнчук компаниясынын негиздөөчүсү жана башкы директору Ван Нин Bloomberg Billionaires Index рейтингине ылайык, дүйнөдөгү эң бай 100 адамдын катарына кирди.

Ал рейтингде 85-орунду ээледи, 2025-жылдын башынан бери анын байлыгы 18,8 миллиард долларга өстү.

"Лабубу" — бул ачык түстөгү жүнү бар кичинекей куурчак. Учурда бул оюнчук дүйнөнүн көптөгөн өлкөлөрүндө чоң популярдуулукка ээ болууда. Бул оюнчуктарды Кытайдын Pop Mart компаниясы чыгарат. "Лабубуга" болгон кызыгуу алардын сатылышы менен байланыштуу. Алсак, кардар оюнчук кандай болорун кутучаны ачмайынча биле албайт.