Жол чырактарга чапталган быйтыкчалар алынды  

Мындан эки күн мурун Бишкек шаарынын айрым көчөлөрүндөгү жол чырактарда “жылмайып туруучу” быйтыкчалар пайда болгон. Мындай нерсени жаш активисттердин бири Айбек Баратов уюштурган. Анын айтымында, иш-чаранын негизги максаты элге позитивдүү маанай тартуулоо болгон. Бирок мэрия уюштуруучуларга жол чырактардагы быйтыкчаларды (смайлик) алып салууну айткан. Мындан улам жол чырактарга чапталган быйтыкчалар Айбек Баратов тарабынан алынды. Маалыматка караганда, активисттер эч кимден уруксат алышкан эмес.