Айпери Медет кызы менен алтынга күрөшчү эквадорлук балбан кыз жөнүндө маалыматтар

Бүгүн, 17-сентябрда кыргыз балбан кызы Айпери Медет кызы Хорватияда өтүп жаткан дүйнө чемпиондугунда алтынга күрөшөт. Ал 76 килограммга чейинки салмак ченинде күч сынашууда.

Финалдык кармашта ал эквадорлук спортчу Генесис Росангела Валдез менен таймашат. Финалдык блоктогу беттештер Бишкек убактысы боюнча саат 22:00дө башталат.

Генесис Валдез жөнүндө маалыматтар.

- 27 жаштагы Валдез 2015-жылдан бери Эквадордун улуттук курамасынын мүчөсү;

- 2019-жылы чоңдор арасындагы Панамерикалык чемпиондукта 2-орунду алган;

- 2022-жылы дүйнө чемпиондугунда 5-орунду;

- 2023-жылы Бишкекте өткөн рейтингдик турнирге келип, 3-орунду алган.

- 2024-жылы Панамерика чемпиону;

- 2024-жылы Париждеги Олимпиадада Айпери Медет кызы сыяктуу 5-орунду ээлеген;

- 2025-жылы Панамерика чемпиондугунда 3-орун, андан кийин Испаниядагы Гран-прини утуп алган;

Айпери менен Валдез мурун да килемде жолуккан. 2021-жылы Белградда өткөн U-23 дүйнө чемпиондугунун алгачкы айлампасында кыргыз балбаны эквадорлук атаандашын 1 мүнөт 13 секундда аркасына жаткырып, таза жеңишке жеткен.