"Мээрим, бол!" Айсулуу Тыныбекованын Мээрим Жуманазарованы колдогон видеосу тарады (видео)

Хорватияда өтүп жаткан күрөш боюнча Дүйнө чемпиондугунда 68 килограмм салмак категориясында килемге чыккан Мээрим Жуманазарованын беттеши күйөрмандар үчүн чоң кызыгуу жаратты. Бул жолу көрүүчүлөрдүн арасынан өзгөчө көзгө түшкөндөрдүн бири катарында Олимпиаданын байге ээси, Дүйнөнүн бир нече жолку чемпиону Айсулуу Тыныбекова болду.

Ал Жуманазарованын ар бир кыймылына көз салып, маанилүү учурларда эмоциясын жашыра албай, кол чабуулар жана кыйкырыктар менен колдоп турду.

Эске салсак, Мээрим Жуманазарова биринчи айлампада америкалык Анисета Мина Ваа Акостаны 10:0 эсебинде жеңип, чейрек финалга чыккан. Бирок 1/4 финалда кытайлык Жиа Лонгдон 1:4 эсебинде утулуп, жарым финалга жолдомо ала албай калды.

Андан соң кытайлык спортчу да жарым финалда жеңилип калгандыктан, Жуманазарова кайра күрөшүүгө мүмкүнчүлүк албай, мелдешти ушул баскычта жыйынтыктады.