Вашингтондо Трамптын алтын айкели тургузулду (видео)

Вашингтондо биткоин кармаган АКШнын президенти Дональд Трамптын айкели убактылуу тургузулду. Эстеликтин турушу бир күнгө гана созуларын чет элдик басылмалар жазышты.

Алтын айкел АКШ Конгресси жайгашкан Капитолий имаратынын жанына криптоинвесторлор тарабынан орнотулган. Анын бийиктиги 3,5 метр экени айтылууда.

"Бул инсталляция улуттук валютанын келечеги тууралуу талкууну жандандырууга багытты жана заманбап саясат менен финансылык инновациялардын ортосундагы мамилени символдоштурат. Биз бул эстелик криптовалюталардын өсүп келе жаткан таасири жөнүндө ой жүгүртүүгө түрткү берет деп үмүттөнөбүз. Анткени Федералдык резервдик система экономикалык стратегияларды түзөт", - деген криптоинвестиция коомчулугунун өкүлү Хичем Загдуди.