Депутат аялдардын жана балдардын укугун коргоо боюнча өзүнчө орган түзүүнү сунуштады

Жогорку Кеңештин депутаты Шарапаткан Мажитова өлкөдө аялдардын жана балдардын укугун коргоо боюнча өзүнчө орган түзүүнү сунуштады. Мындай пикирин эл өкүлү бүгүн, 18-сентябрдагы парламенттин жыйынында айтты.

Эл өкүлү билдиргендей, атайын орган аймактардагы бардык зомбулук боюнча кырдаалды көзөмөлдөп турмак.

"Аялдардын жана балдардын укуктарын коргоо боюнча президенттин алдында өзүнчө министрликпи, комитетпи же орган иштесе жакшы болмок. Ал жер-жерлердеги бардык зомбулук боюнча кырдаалды көзөмөлдөп турат эле. Ушундай органдын жоктугунан зомбулук көп болуп жатат", - деп билдирди ал.