Хорватияда грек-рим күрөшү боюнча дүйнө чемпиондугу уланууда. Бүгүн кимдер күрөшөт? 

Хорватияда өтүп жаткан грек-рим күрөшү боюнча дүйнө чемпиондугу уланууда.

UWW сайты билдиргендей, кайталоо турниринде Улан Муратбек уулу (55 килограммга чейин) менен Нурманбет Раймалы уулу (130 килограммга чейин) коло үчүн күч сынашат.

Эске салсак, алар алгачкы беттештеринде утулуп калган. Ырыскелди Максатбек уулу (77 килограммга чейин) мексикалык балбанды жеңип, андан кийин ирандык балбанга утулуп калды. Бекзат Орункул уулу (82 килограммга чейин) филиппиндик балбанды жеңип, хорватиялык балбанга жеңилип калды.

Бүгүн Акыл Сулайманов (60 килограммга чейин), Баяман Каримов (63 килограммга чейин), Раззак Бейшекеев (67 килограммга чейин), Амантур Исмаилов (72 килограммга чейин), Асан Жанышов (87 килограммга чейин) жана Үзүр Жузупбеков (97 килограммга чейин) күрөшөт.