“Финансылык рынокту жөнгө салуу жана көзөмөлдөө боюнча мамлекеттик кызмат жөнүндө” мыйзамга өзгөртүү кирди

15-январда президент Алмазбек Атамбаев “Кыргыз Республикасынын финансылык рыногун жөнгө салуу жана көзөмөлдөө боюнча мамлекеттик кызмат жөнүндө” КРнын мыйзамына өзгөртүүлөрдү жана толуктоолорду киргизүү тууралуу” мыйзамга кол койду.

Мыйзамды Жогорку Кеңеш 2013-жылдын 28-ноябрында кабыл алган болчу.

Мыйзамдын максаты - Кыргыз Республикасынын финансылык рыногун жөнгө салуу жана көзөмөлдөө боюнча мамлекеттик кызмат жөнүндө” мыйзамды “КРнын Өкмөтү жөнүндө” конституциялык мыйзамдын “КРнын ченемдик-укуктук актылары жөнүндө”, “Мамлекеттик кызмат жөнүндө”, “Ишкердиктин субъекттерин текшерүүлөрдү жүргүзүүнүн тартиби жөнүндө” мыйзамдарынын жоболоруна шайкеш келтирүү.

Мыйзам расмий жарыяланган күндөн тартып күчүнө кирет.