Жогорку Кеңештин өзүн-өзү таратуу боюнча маселеси тармактык комитетте каралат

Жогорку Кеңештин Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин регламенти боюнча комитети 23-сентябрдагы жыйынында VII чакырылыштагы Жогорку Кеңешти өзүн-өзү таркатуусу жөнүндө сунуш каралат. Бул тууралуу парламенттин сайтына жарыяланды.

Парламенттин сайтына жарыяланган маалыматка ылайык, баяндамачы катары депутат Улан Примов көрсөтүлгөн.

Белгилей кетсек, буга чейин Жогорку Кеңеште өзүн-өзү таркатуу боюнча демилгечи топ түзүлгөнү айтылып, эл өкүлдөрүнөн кол топтолуп жаткандыгы маалым болгон. Көп өтпөй 32 эл өкүлү кол койгону кабарланган. 17-сентябрда Жогорку Кеңештин төрагасы Нурланбек Тургунбек уулу демилге тууралуу түшүндүрмө берген.