Хорватиядан байгелүү кайткан балбан кыздар Бишкекке келишти

Бүгүн, 20-сентябрда эркин күрөш боюнча Кыргызстандын кыз-келиндер улуттук курама командасы Хорватиянын борбору Загреб шаарында өткөн спорттук күрөш боюнча Дүйнө чемпиондугунан Бишкекке кайтып келди. Бул тууралуу Дене тарбия жана спорт мамлекеттик агенттиги билдирди.

Спортчуларды “Манас” эл аралык аэропортунан агенттиктин алдындагы Спорттун олимпиадалык түрлөрү боюнча дирекциясынын директору Мелис Тобокелов, балбандардын жакындары жана күйөрмандары тосуп алышты.

Аталган чемпиондуктан кыз-келиндер курама командасы эки медаль менен кайтып келди:

• Айпери Медет кызы күмүш медаль ээси болду;

• Нурзат Нуртаева коло медаль тагынды.

Спорттук күрөш боюнча Дүйнө чемпиондугу 13-сентябрдан тарта Хорватиянын борбору Загреб шаарында өтүп, дүйнөнүн эң күчтүү балбандарын чогултту.