Ким Чен Ын жаңы сырдуу куралга ээ болгонун билдирди

Түндүк Кореянын жетекчиси Ким Чен Ын өлкөсү жаңы сырдуу куралга ээ болгонун билдирди. Бул тууралуу ал Жогорку элдик жыйындагы сөзүндө билдиргенин Түштүк Кореянын Борбордук телеграф агенттиги кабарлады.

Ким Чен Ындын айтымында, коргонуу, илим жана изилдөөлөр тармагында чоң ийгиликтерге жетишилди. Бул куралдар өлкөнүн согуштук мүмкүнчүлүктөрүн кескин жогорулатууга салым кошот.

Ал ошондой эле Түштүк Корея стратегикалык күчтөрүн жана куралдарды үзгүлтүксүз чыңдап жатканын айтты.

Мындан тышкары, Ким Чен Ын өлкөсү ядролук куралдан баш тартпастыгын, анткени ядролук куралдан баш тартуу чакырыктары өлкөнүн конституциялык түзүмүнө кол салуу деп эсептелерин белгиледи.

Эске салсак, 24-августта Ким Чен Ын жаңы зениттик ракеталарды сыноодон өткөргөн. Бул сыноолор Түндүк Кореянын коргонуу күчтөрүн бекемдөө ниетин көрсөтүү менен бирге АКШ жана Түштүк Кореяга өз аба мейкиндигин коргоого даяр экенин билдирүү максатында өткөрүлгөнүн чет элдик басылмалар жазышкан.