WP: АКШ аутизмди парацетамол дарысын колдонуу менен байланыштырууда

АКШ президенти Дональд Трамптын администрациясы бүгүн, 22-сентябрда парацетамолду кош бойлуу аялдар колдонгондо, алардын төрөлө турган балдарында аутизм пайда болушу мүмкүн экенин билдиришет. Бул тууралуу The Washington Post басылмасы кабарлады.

Ошондой эле аутизмди дарылоого багытталган потенциалдуу дарыны илгерилетүү боюнча акция баштала турганы айтылды

Бул демилгелерди буга чейин Трамп жарыялаган. "Мен өлкөнүн тарыхында эң маанилүү медициналык билдирүүнү жасайм. Биз аутизм маселесинин чечимин таптык деп ойлойм",- деп билдирүү жасады Трамп активист Чарли Кирк үчүн уюштурулган аза күтүү иш-чарасында.

Белгилүү болгондой, 22-сентябрда Улуттук саламаттык сактоо институту да аутизм тууралуу маалыматтарды талдоо боюнча жаңы демилгенин башталарын жарыялайт. Бул программа аутизмдин себептерин изилдөөгө жана эффективдүү дарылоону табууга багытталган 13 изилдөө грантын бөлүп берүү боюнча ишти камтыйт.