Маданият министри "Nomad" триосун тосуп алды

Мааданият, маалымат жана жаштар саясаты министри Мирбек Мамбеталиев Москва шаарында өткөн "Интервидение-2025" эл аралык музыкалык сынагында 2-орунду жеңип алган "Nomad" триосун "Манас" эл аралык аэропортунан тосуп алды. Бул тууралуу аталган министрлик билдирди.

"Nomad" триосу Кыргызстандын намысын коргоп, 23 өлкөнүн ичинен экинчи орунду ээледи.

Сынактын түз эфириндеги көрсөтүүсү 23төн ашуун өлкөнү камтып, дүйнө жүзү боюнча миллиондогон көрүүчүлөрдү өзүнө тартты.

Кийинки "Интервидение-2026" сынагын өткөрүү укугу Сауд Арабиясына берилди.