MegaPay’де унаа терезелерин жеңилдетилген тарифтер менен караңгылатуу жеткиликтүү

MegaPay унаалардын алдыңкы каптал терезелерин караңгылатууга уруксат берүү үчүн төлөм жүргүзүү кызматы жаңыртылганын жарыялайт. Терезелерди караңгылатууну эми мурдагыдан да ыңгайлуу — онлайн, жаңы тарифтер жана кеңейтилген унаа категориялары менен тариздөөгө болот.

Эмне өзгөрдү?

• Кызмат эми M1 категориясындагы жеңил унаалар үчүн гана эмес, M1G категориясындагы жогорку өткөрүмдүүлүккө ээ жеңил унаалар үчүн да жеткиликтүү.

• Резидент жеке жактарга катталган электрдик унаалар үчүн 30 000 сом жеңилдетилген тариф киргизилди.

• Башка унаалар үчүн тариф өзгөрүүсүз калды: резидент жеке жактар үчүн 50 000 сом.

Уруксат берүүнү тариздөө процесси толук түрдө MegaPay колдонмосунда жүзөгө ашат. Колдонуучуларга мындан ары мамлекеттик мекемелерге баруунун же кезекке туруунун кереги жок — бардык кадамдар бир нече мүнөттү гана талап кылат.

Бул кантип иштейт?

1. MegaPay колдонмосун жүктөп алыңыз же жаңыртыңыз (App Store жана Google Play’де жеткиликтүү).

2. «Кызматтар» → «Унаа» → «УНАА ГА РТСВС кызматтары» → «Терезелерди караңгылатууга уруксат алуу» бөлүмүнө өтүңүз.

3. Сиздин атыңызга катталган унааны тандап, төлөмдү ырастаңыз.

Сиз ошондой эле башка бирөөнүн атына уруксат алуу үчүн да төлөй аласыз, эгерде анын MegaPay эсеби бар болсо.

MegaPay мамлекеттик кызматтарды мүмкүн болушунча жеткиликтүү жана жөнөкөй кылып, айдоочулар үчүн ыңгайлуу санариптик кызматтарды жакшыртууну улантууда.