Шашылыш билдирүү: Өлкө аймагында үшүк жүрүшү мүмкүн

Кыргызгидромет кызматынын билдирүүсүнө ылайык, 24-25-сентябрда түнкүсүн жана эртең менен Ысык-Көл, Нарын облустарынын дыйканчылык аймактарында жана Чүй облусунун тоо этектеринде аба ырайы 0…-2 градуска чейин төмөндөп, үшүк жүрүшү күтүлөт.

ӨКМден билдиришкендей, мындай үшүк мөмө жана жашылча-жемиштерге, казылып алынган жана жабылбаган картошка, кант кызылчасы, жер-жемиштерге коркунучтуу.

"Дыйканчылык талааларында үшүп кете турган түшүмдөрдү жылуу жайда кармоо жана үшүк өтүп кеткенден кийин жыйноо сунушталат",- деп айтылат маалыматта.