Өзгөндүн борбордук көчөлөрү дизайн-код боюнча иретке келтирилүүдө

Өзгөн шаарынын дизайн-коду иштелип чыкты. Анын негизинде коомдук жана коммерциялык объекттерди эстетикалык жактан иретке келтирүү, көрнөк-жарнактарды жана фасаддык чечимдерди бирдиктүү стандартка өткөрүү иштери жүргүзүлүп жатат. Бул тууралуу Курулуш министрлиги билдирди.

Маалыматка ылайык, Өзгөн шаарынын Манас көчөсү 32 дарегинде жайгашкан көп кабаттуу турак үйдүн биринчи кабатындагы коммерциялык объекттер иретке келтирилди.

Ошондой эле Манас жана Ленин көчөлөрүнүн кесилишинен Өзгөн борбордук базарына чейинки аралыктын чыгыш тарабы дизайн-коддун талабына ылайык оңдолду.

Бул өзгөрүүлөр шаар тургундарынын жашоо сапатын жакшыртууга, кооз жана ыңгайлуу архитектуралык шаар чөйрөсүн түзүүгө багытталган. Башкармалык тарабынан дизайн-код боюнча иретке келтирүү иштери дагы да улантылат.