Мугалимдер "Алтын Казык" ноутбуктары менен камсыздалды

Агартуу министрлиги өлкөнүн бардык аймактарындагы мугалимдерге "Алтын Казык" брендинин ноутбуктарын тапшырды. Бул тууралуу министрликтин басма сөз кызматы кабарлады.

Маалыматка ылайык, №68 Алыкул Осмонов атындагы жалпы билим берүү мектебинин математика мугалими Карлыгач Иманалиева жаңы ноутбуктар окутуу процессин кыйла жеңилдеткенин белгиледи. Анын айтымында, онлайн платформалардын жардамы менен темаларды түшүндүрүү мурункудан да жеткиликтүү болуп, окуучулардын сабакка кызыгуусу артты.