Ички иштер министрлигинде маалыматтык бөлүктөрдүн түзүлгөн күнү белгиленди

Бүгүн, 23-сентябрда Ички иштер министрлигинде маалыматтык бөлүктөрдүн түзүлгөндүгүнүн 107 жылдыгына арналган салтанаттуу иш-чара болуп өттү. Бул тууралуу ИИМдин басма сөз кызматы кабарлады.

Маалыматка ылайык, иш-чарага Бишкек шаарынын ички иштер башкы башкармалыктарынын маалыматтык технологиялар бөлүмүнүн кызматкерлери, ИИМдин Маалыматтык технологиялар башкы башкармалыгынын өздүк курамы жана ардагерлери катышты.

Иш-чаранын жүрүшүндө ички иштер органдарынын санариптик трансформация тармагындагы олуттуу жетишкендиктер белгиленип, министрликтин ишин оптималдаштырууда маалыматтык бөлүмдөрдүн негизги ролу өзгөчө баса белгиленди.

Мындан тышкары ИИМдин Башкы маалыматтык технологиялар башкармалыгынын жетекчилиги кызматкерлерди Мамлекеттик тил күнү менен куттуктап, бул күн улуттук дөөлөттөрдүн бири болгон кыргыз тилине урмат көрсөтүүнүн символу экенинине токтолуп, өлкөнүн маданий мурастарынын ажырагыс бөлүгү жана коомдун өнүгүүсүндө маанилүү фактор экенин баса белгиледи.

Иш-чаранын жүрүшүндө ардагерлерге жана маалыматтык технологиялар бөлүктөрүнүн кызматкерлерине кесиптик ишмердүүлүгүндөгү эмгектери үчүн мекеменин сыйлыктары тапшырылды.