Эр-Риядда киберспорт боюнча дүйнө чемпиондугунун жеңүүчүлөрүнө рекорддук сыйлык тапшырылды

Эр-Рияд дүйнөлүк деңгээлдеги оюн борборуна айланып, 2000 оюнчу, 200 клуб жана миллиондогон күйөрмандарды бириктирген киберспорт боюнча Дүйнө чемпиондугун өткөрдү.

Чет элдик басылмалар билдиргендей, Сауд Арабиясында жети жума бою катышуучулар 24 оюн боюнча күч сынашып, рекорддук байге фонду үчүн таймашты. Falcons командасы клубдар арасында чемпион болсо, ал эми кытайлык оюнчу Сяохай өз чеберчилигин көрсөтүп, жүз миңдеген еврону утуп алышты. Ал сумма 70 миллион долларды түздү.

"Бул мелдештерди дүйнө жүзү боюнча 750 миллион көрүүчү көрдү. Бул Сауд Арабиясынын дүйнөлүк образын өзгөртүп, 2027-жылы өтө турган Олимпиадалык киберспорт оюндарына карай чоң кадам болуп эсептелет. Мелдештер инновацияларды, инклюзивдүүлүктү жана атаандаштык оюндардын келечегин баса белгиледи",- деп айтылат маалыматта.