Таласта 12 жаштагы кызды зордуктоого шектелип өгөй атасы кармалды

Бакай-Ата районунда 12 жаштагы кызды зордуктоого шек саналып анын өгөй атасы кармалды. Маалыматты бүгүн, 24-сентябрда Талас облустук милициясынан тастыктады.

Маалыматка ылайык, милицияга 12-сентябда өспүрүм кызга карата өгөй атасы тарабынан ыплас аракеттер жасалгандыгы боюнча маалымат түшкөн. Факт каттоого алынып, териштирүү иштери башталган. Териштирүү учурунда кыздын 39 жаштагы апасы экинчи күйөөсүнүн үстүнөн арыз жазып, мыйзамдуу чечим кабыл алып берүүнү суранган. Жашы жете элек кызга карата тиешелүү экспертизалар дайындалды.

Мындан улам Кылмыш-жаза кодексинин 154-беренеси (Зордуктоо) менен кылмыш иши козголуп, шектүү делген 49 жаштагы жаран Казакстанга өтүүчү “Ак-Жол” өткөрмө жайынан кармалып, убактылуу кармоочу жайга киргизилди.

Учурда тергөө иштери уланууда.