NASA астронавттар Айдын орбитасына качан бара турганын жарыялады

АКШнын NASA агенттиги Artemis II тапшырмасы менен 2026-жылы башында астронавттарды Айдын тегерегине жөнөтүүнү пландап жатат. Бул жарым кылымдан бери Айдын орбитасына адам учкан биринчи операция болот. Бул тууралуу чет элдик басылмалар жазышты.

Маалыматтарга караганда, тапшырмага төрт астронавт катышат: үч америкалык жана бир канадалык. Алар Айдын тегерегинде айланып өтүшөт, бирок бетине түшпөйт. Айга конуу Artemis III тапшырмасы аркылуу жүзөгө ашат.

Бул программа АКШнын Айга кайтып келүүсүн тездетүүнү максат кылат. Кытай болсо 2030-жылга чейин өз тапшырмасын пландап жатат. NASA узак мөөнөттө Айда туруктуу база курууну жана аны Марска саякат үчүн колдонууну көздөйт. Эгер Artemis II ийгиликтүү өтсө, 1972-жылдан бери биринчи жолу Айдын тегерегине астронавт жөнөтүлгөн болот.