Надира Нарматова парламентти таратууну демилгелеген кесиптештерин сындады

Жогорку Кеңештин бүгүн, 25-сентябрдагы жыйынында депутат Надира Нарматова парламентти таркатууну демилгелеген кесиптештерин сындады.

"Болгондо дагы келгенине 1-2 жыл боло элек депутаттардын келе калып, кете калам деп демилге көтөргөнү коомчулукта түрдүү пикирди жаратты. Болгондо да 3 вице-спикер, алты комитеттин төрагасы маселе көтөрүп жатат.

Ал эми парламентти таратуу боюнча келерки жылы июль-августта, каникул учурунда шайлоо өткөрүп койсо болмок",- деди ал.

Ошондой эле депутат мамлекеттин кызыкчылыгы үчүн демилгени колдой турганын кошумчалаган.

Белгилей кетсек, бүгүн парламент жыйынында Жогорку Кеңештин өзүн-өзү таратуусу боюнча чечим кабыл алынды. Аталган сунушту 32 депутат демилгелеген.

Жыйында баяндама жасаган депутат Улан Примов депутаттарды таркатууга шайлоо боюнча жаңы мыйзам кабыл алынганын жана президенттик жана парламенттик шайлоолордун удаа болушу негиз болгонун билдирди.