Кытайда роботтор иштеген дүкөн ачылды

Кытайдагы Galbot компаниясы роботтор тейлеген дүкөн ачты. Бул тууралуу чет элдик басылмалар жазышты.

Робот адамдарга караганда өтө жай иштейт, бирок компания жыл аягына чейин Кытайда жүз дүкөн ачууну пландап жатат. Компаниянын пикиринде, роботтор келечекте маанилүү роль ойнойт.

Маалым болгондой, дүкөндө техникалык кыйынчылыктар да кездешүүдө. Алсак, үзгүлтүксүз өзгөрүп турган ызы-чуунун деңгээли сенсорлорду бузуп, ар түрдүү кардарлардын сүйлөө өзгөчөлүктөрү кыйынчылык жаратууда.

Эскерте кетсек, августта Пекиндеги Robot Mall соода борборунда дүйнөдөгү биринчи адам сыяктуу роботторду саткан дүкөн ачылган. Ал 4S форматында иштейт: сатуу (Sale), тетиктерди камсыз кылуу (Sparepart), тейлөө (Service) жана рынокту изилдөө (Survey).

Мындан тышкары, анда роботтор иштеген кафе жана ресторан-бар бар. Бул төрт кабаттуу дүкөндө 50дөн ашуун бренд сунушталууда.