"Кетсин дегенде кетпейм, калсын дегенде кетем дейт". Дастан Бекешев парламентте шайлоочуларынын суроосун узатты

Бүгүн, 25-сентябрдагы Жогорку Кеңештин жыйынында депутат Дастан Бекешев парламенттин өзүн-өзү таркатуу демилгеси каралып жатканда шайлоочулардын суроосун узатты.

"Биз ""Жогорку Кеңеш кетсин дегенде кетпейм, калсын дегенде кетем дейт" дешти. Түшүнүксүз болуп калды", - деген эл өкүлү кесиптеши, демилге боюнча баяндама жасаган Улан Примовдон буга жооп берүүнү суранды.

Примов өзүнүн шайлоочуларынан мындай өтүнүч болбогонун белгилеп, парламентке кайрадан элдин элегинен өтүп келгендер келүү зарыл экенин айтты. Ал ошондо парламентке элдин ишеними артат деген пикирде.

Айта кетсек, депутаттар Жогорку Кеңештин өзүн-өзү таркатуусу боюнча чечимди кабыл алышты.