Депутат Нарматованын сыны кесиптеши Примовду чычалатты (видео) 

Бүгүн, 25-сентябрдагы Жогорку Кеңештин жыйынында парламенттин өзүн-өзү таркатуусу боюнча маселе каралып, колдоо тапты.

Жыйында таркатуу боюнча баяндама жасаган депутат Улан Примов демилгечи топту сынга алган кесиптеши Надира Нарматовага жооп берди.

"Сиз менин дарегиме бир топ сын айттыңыз. Мен сизди улуу депутат караты сыйлайм. Бирок мага бааны сиз бербейсиз, бааны менин шайлоочуларым берет", - деди ал.

Мунун алдын Нарматова парламентти таркатууну демилгелеген кесиптештерин сынга алды. Ал баяндама жасаган Примовго да кайрылып, "сиз алып чыккан мыйзамдар жакшы деле эмес" деди.