Зеленский: "Трамп Украинанын орус аскерлерине жооп кайтаруусун колдойт"

Владимир Зеленский америкалык лидер менен жолугушуу учурунда Дональд Трамп Украинанын орус чабуулдарына жооп кайтаруусу керек экенин билдиргенин айтты. Бул тууралуу ал Axios басылмасына берген маегинде кабарлады.

"Эгер алар биздин энергетикага кол салышса, президент Трамп биз энергетикага каршы жооп кайтара алабыз деген идеяны колдойт",- деди Зеленский.

Зеленский ошондой эле Трамп орус учкучсуз учуучу аппараттары же ракеталарды чыгарган заводдору жөнүндө да ошол эле сөздү айтканын белгиледи.

Анын айтымында, Украинада орус аймагына сокку урууга жөндөмдүү дрондор бар. Бирок ал Трамптан согушту тезирээк баштоо үчүн кээ бир куралдарды сураганын да кошумчалады.

"Бизге бул керек, бирок биз сөзсүз куралды колдонобуз дегенди билдирбейт. Анткени эгер биз бул куралды колдонсок, менимче, бул Путинге кошумча басым жасайт жана аны сүйлөшүүгө отургузууга мажбур кылат",- деп кошумчалады Зеленский.

Бирок Зеленский кайсы курал жөнүндө сөз болуп жатканына так шилтеме берген жок.