Израилдин Евровидениеге катышуусу онлайн добуш берүү менен чечилет

Европа Берүү Биримдиги (EBU) 2026-жылдагы "Евровидение" ыр сынагына Израилдин катышуусуна байланыштуу онлайн добуш берүү өткөрөрүн жарыялады. Добуш берүү ноябрдын башында өтүп, Израилдин сынакка катышуусу такталат. Бул тууралуу чет элдик басылмалдар жазышты.

Маалым болгондой, EBU президенти Дельфин Эрнот Кунси мүчө уюмдарга жөнөткөн катында Израилдин катышуусу боюнча пикирлер ар түрдүү экенин белгилеп, маселени "кең демократиялык аянтчага чыгаруу" зарылдыгын билдирди.

Айрым өлкөлөр (Испания, Нидерланд, Ирландия, Исландия жана Словения) Израил катышса, сынакты бойкот кыла турганын билдиришкен. 2026-жылдагы сынак Австриянын борбору Венада өтөт. Анда айрым өлкөлөр бойкот кылса да, сынакты пландалгандай өткөрөрүн айтылды.

Буга чейин 2022-жылы Орусия "Евровидениеден" чыгарылган.