Оштун Жылалды айылындагы мектеп жыл аягына чейин пайдаланууга берилет

Курулуш министрлиги билдиргендей, Ош облусунун Өзгөн районуна караштуу Жылалды айылында наркы 117 миллион сомду түзгөн жаңы мектептин курулушу аяктап калды.

Объект республикалык бюджеттин эсебинен каржыланып, 2022-жылы курулуп баштаган.

Долбоор боюнча билим уясы 275 орунга ылайыкталган, үч блоктон турат. А блок - эки кабаттуу окуу корпус, Б блокто ашкана, китепкана жана жыйындар залы, ал эми В блокто заманбап талапка жооп берген спорт зал каралган.

Курулуш-монтаждоо иштери “Кубай” ЖЧКсы тарабынан аткарылып, Турак жай-жарандык курулуш департаментинин көзөмөлүндө. Мектептин эски имараты 1972-жылы курулуп, пайдаланууга берилген.