Виртуалдык активдер жана блокчейн боюнча улуттук кеңештин жетекчисине орун басар дайындалды

Президентке караштуу Виртуалдык активдер жана блокчейн-технологиялар чөйрөсүн өнүктүрүү боюнча улуттук кеңештин катчылыгынын жетекчисинин орун басары болуп Айзада Субакожоева дайындалды. Бул тууралуу президенттин администрациясынан билдиришти.

Тиешелүү тескемеге президент Садыр Жапаров кол койгон.

Белгилей кетсек, ушул жылдын май айында президентке караштуу Виртуалдык активдер жана блокчейн-технологиялар чөйрөсүн өнүктүрүү боюнча улуттук кеңеш түзүлгөн.

Ал виртуалдык активдер, блокчейн-технологиялар чөйрөсүндө бирдиктүү мамлекеттик саясатты иштеп чыгуу жана жүргүзүү, улуттук кызыкчылыктарды, эл аралык стандарттарды эске алуу менен жаңычылдык долбоорлорго дем берүү жана инвестицияларды тартуу максатында уюштурулган.