Зеленскийдин жубайы Трамптын жубайы менен болгон жолугуушусун ачыктады

Украинанын президентинин жубайы Елена Зеленская АКШынын биринчи айымы Мелания Трамп менен жолугушуусу тууралуу кабарлады.

Украинанын биринчи айымынын айтымында, алар жалпы баалуулуктарды, биринчи кезекте балдарды коргоону талкуулашкан.

"Мен Меланияга Украинага көрсөткөн колдоосу үчүн, өзгөчө Орусиянын Украинага каршы ырайымсыз согушунун курмандыгы болгон балдарга көңүл бургандыгы үчүн ыраазычылык билдирдим. Атап айтканда, Путинге балдар үчүн тынчтыкты талап кылган каты үчүн. Анын жүрөгү бул темага, ошондой эле дүйнө жүзүндөгү балдардын бакубаттуулугуна ачык экенин абдан баалайм", - деп жазган ал социалдык тармактагы баракчасында.

Буга чейин New York Post гезити Мелания Трамптын улук кеңешчиси Марк Бекманга таянып, Нью-Йоркто АКШнын биринчи айымы менен Владимир Зеленскийдин жубайынын жолугушуусу болбой турганын жазган.

Елена Зеленская айткан Меланиянын каты Аляскада Орусиянын президенти Владимир Путинге АКШнын лидери Дональд Трамп тарабынан тапшырылган.

Ал эми Вашингтондогу Ак үйдө Зеленский Трамп менен болгон жолугушуусунда жубайы Елена Зеленскаянын биринчи айым Меланияга жазган катын тапшырган. Бирок анда эмне тууралуу жазылганы ачыкталган эмес.