Манас шаарында гимнастика боюнча республикалык чемпиондук өттү

Манас шаарындагы “Газпром” ден соолукту чыңдоо борборунда Кыргызстандын эстетикалык топтук гимнастика федерациясы тарабынан республикалык деңгээлдеги ачык чемпиондук болуп өттү. Бул тууралуу шаардык мэрия билдирди.

Бул ири спорттук иш-чарага Бишкек, Ош жана Манас шаарларынан чогулган 8 жаштан 12 жашка чейинки өспүрүмдөрдөн турган 14 команда катышты.

Мелдештин жүрүшүндө командалар кыска жана узун программа боюнча өнөрлөрүн көрсөтүп, жыйынтыгында Манас шаарынан катышкан “Everest” жана “Han-Tengri” командалары биринчи орунду багындырды.