Адамдын тери клеткаларындагы ДНКдан биринчи жолу эмбрион жасалды

Окумуштуулар биринчи жолу адамдын терисинин клеткаларындагы ДНКны колдонуп эмбрион жасашты. Бул тууралуу BBC News жазды.

Маалым болгондой, бул технология жаш куракка же ооруларга байланыштуу тукумсуздук менен күрөшүүгө жардам бериши мүмкүн, анткени ал адамдын дээрлик бардык клеткаларын колдонуп жаңы жашоо жаратууга мүмкүнчүлүк берет. Мисалы, ушул ыкманын жардамы менен бир жыныстуу жуптар да өздөрүнө генетикалык жактан жакын балалуу боло алышат.

Бирок бул технологияны репродуктивдик саламаттыкты сактоо клиникаларында колдонууга чейин дагы өркүндөтүү керек, бул процесс болжол менен он жылга созулушу мүмкүн.

Эксперттер муну чоң жетишкендик деп белгилешүүдө. Ошол эле учурда окумуштуулар мындай ачылыштар коомго кандай жаңы мүмкүнчүлүктөрдү ачып бере турганын ачык талкуулоо зарыл экенин айтышууда.