АКШда рэпер Пи Диддини 11 жылдан ашык түрмө жазасына тартуу талап кылынууда

АКШда федералдык прокурорлор рэпер Пи Диддини (Шон Комбс) 11 жылдан кем эмес мөөнөткө эркинен ажыратууну жана 500 миң доллар айып пул салууну суранышты. Бул тууралуу чет элдик басылмалар жазышууда.

Маалыматка ылайык, Комбс үчүн 135 ай же андан көп убакытка түрмөгө кесүү талап кылынган. Соттун чечимин судья Арун Сумбраманян 3-октябрда чыгарат деп күтүлүүдө.

Комбс 2024-жылы адамдарды сойкулукка тартып, ташып жүргөнү үчүн күнөөлүү деп табылган. Бул айып боюнча ал 20 жылга чейин эркинен ажыратылышы мүмкүн.

Ошол эле учурда судьялар тобу рэперди сексуалдык эксплуатация максатында адам сатуу жана кылмыштуу уюмга катышууга байланыштуу эки айып боюнча күнөөсүз деп табышкан. Бул айыптар боюнча ал өмүр бою эркинен ажыратылышы мүмкүн болчу.

Шон Комбс 2024-жылдын сентябрь айында кармалган. Ага адам сатуу, сексуалдык эксплуатация максатындагы кылмыштуу сөз бирикмеге катышуу жана опузалоо айыптары тагылган. Ал бардык айыптарды четке кагып келет.