Сиз кайсы топтосуз? Окумуштуулар кандын тобу менен эрте инсульт коркунучунун байланышын аныкташты

Окумуштуулар кандын тобу менен эрте инсульт коркунучунун ортосунда байланыш бар экенин аныкташты.

Neurology журналында жарыяланган изилдөөгө ылайык, кан тобунун белгилүү бир варианты бар 60 жашка чейинки адамдарда кандын башка түрлөрүнө караганда инсульттун коркунучу жогору.

Дээрлик 17 миң бейтаптын жана 600 миң дени сак адамдын анализи көрсөткөндөй, 2-топтун A1 кичи тобундагы 60 жашка чейинки адамардын инсульт алуу коркунучу 16 пайызды түзгөн. Ал эми 1-топтун O1 кичи тобундагылардыкы 12 пайызды көрсөткөн. 3-топтогулар үчүн мындай коркунуч болжол менен 11 пайыз болгон. Журнал жарыялаган макалада 4-топтогулар көрсөтүлгөн эмес.

Белгилей кетчү нерсе, бул байланыш 60 жашка чейинки инсульттарда гана табылган. Бул жаштан кийин мындай байланыш табылган эмес. Окумуштуулар бул кандын уюшу жана кан тамырлардын иштешиндеги айырмачылыктарга байланыштуу болушу мүмкүн деп эсептешет.