Ооганстандагы интернеттин өчүшү боюнча талибдер түшүндүрмө беришти

Ооганстандын айрым аймактарында интернеттин өчүрүлүшү үч күндөн бери уланууда жана бул банк ишмердүүлүгүнө, бизнеске, гуманитардык иштерге жана өлкө аймагындагы саякаттарга таасирин тийгизип жаткандыгын чет элдик басылмалар жазышууда.

Өкмөт өлкө боюнча интернетти толук өчүрүү жөнүндө кабарларды четке какты жана мүчүлүштүк чубалгыларды алмаштыруу менен байланыштуу экенин билдирди. Ошондой эле айрым аймактарда интернет берилгени кошумчаланды.

Бул талибдер тараптан байланыштын өчүрүлүшү боюнча биринчи билдирүү болуп саналат, ал банктар, соода жана авиациянын ишин токтотуп, өлкөнү тышкы дүйнөдөн дээрлик толугу менен ажыратты.

Бир нече провинциялар өткөн айда талибдердин лидери Хибатулла Ахундзаданын моралдык нормаларды сактоо боюнча буйругунан кийин интернеттин өчүрүлүшүн ырасташкан.